Humans of New York ბრენდონ სტენტონის ცნობილი ფოტო-პროექტია, რომლის გმირებიც, თავიანთი ისტორიებით ხშირად იპყრობენ მსოფლიოს ყურადღებას. ამჯერად. ინტერნეტი ერთი ნიუ-იორკელი მამის მონათხრობმა "ააფეთქა", რომელიც საკუთარ შვილებს ფულთან მოპყრობას, ინვესტირებას და ქველმოქმედებას საოცარი მეთოდით ასწავლის.

პოსტი ჯიბის ფულის შესახებ, სტენტონმა მამების დღეს გამოაქვეყნა და მომენტალურად მოედო ინტერნეტს. შვილი ჰყვება, რომ მშობლები კვირაში ერთხელ ჯიბის ფულად ერთ დოლარს ააძლევენ:

"შემდეგ უნდა გადავწყვიტო, როგორ გამოვიყენო ეს დოლარი. სულ ოთხი "სექციაა": დახარჯვა, შენახვა, დახმარება და ინვესტირება. თუ გადავწყვეტ "ინვესტირებას", მშობლები ყოველი თვის ბოლოს დამატებით ორ ცენტს მომცემენ. "დახარჯვის" სექცია მხოლოდ ორჯერ გამოვიყენე! ინვესტირებაში კი ახლა უკვე 10 დოლარზე მეტი მაქვს. ადრე უფრო მეტი მქონდა, მაგრამ ცოტა ფული "დახმარების" სექციაში გადავიტანე, საიდანაც საჭმელს ვყიდულობთ იმ ხალხისთვის, ვისაც "დახარჯვის" სექციაში ბევრი ფული არ აქვთ."

ფეისბუქის მომხმარებლებმა ერთსულოვნად აიტაცეს დღის ყველაზე პოპულარული მამა და მისი მეთოდი, რომლითაც ის შვილებს ფულის და სიკეთის შესახებ ასწავლის. პოსტს ამ მომეტისთვის 800 ათასამდე მოწონება და 90 ათასზე მეტი გაზიარება აქვს. ქება-დიდება კომენტარებშიც არ წყდება.

"ბავშვების აღზრდის იდეალური მეთოდია! ასწავლო მათ თანაგრძნობა, თან გააგებინო, რომ ყველას მათსავით არ გაუმართლა და თან — მიაჩვიო ფინანსურ პასუხისმგებლობას! შესანიშნავი მამა ხარ", — წერს ფეისბუქის მომხმარებელი ბოსტონიდან.

მეორე მომხმარებელი ვაშინგტონიდან კი, დეტალების მნიშვნელობაზე ამახვილებს ყურადღებას: "აი, როგორი უნდა იყოს მშობელი! კი არ იყენებს ტერმინებს 'ვისაც ნაკლებად გაუმართლა' ან 'ვინც ცუდად დაგეგმა ცხოვრება', არც 'უსახლკაროს', 'ნარკომანს' და 'გაჭირვებულს' ახსენებს, არამედ ასწავლის, რომ უნდა დაეხმაროს 'ხალხს, ვისაც დასახარჯ სექციაში ცოტა ფული აქვს'. ძალიან კარგია!"