ბაზისბანკი განაგრძობს ახალი თაობის საგანმანათლებლო პროექტების მხარდაჭერას. საქართველოს ეროვნული ბანკის ფინანსური განათლების პორტალ ფინედუს ინიციატივითა და ბაზისბანკის მხარდაჭერით მასწავლებლებისთვის, ფინანსური განათლების ეროვნული ჯილდო 2026 იწყება.

პროექტის მიზანია სკოლებში ფინანსური განათლების გაძლიერება და პედაგოგებისთვის პროფესიული განვითარების მხარდაჭერა, ინოვაციური სასწავლო მეთოდების წახალისება და მასწავლებელთა პროფესიული განვითარების ხელშეწყობა, ასევე მოსწავლეების ფინანსური წიგნიერების დონის ამაღლება.

ეროვნული ჯილდოს გამარჯვებული გახდება მასწავლებელი, რომელიც 2025-2026 სასწავლო წელს ყველაზე ეფექტურად და ინოვაციურად შეუწყობს ხელს მოსწავლეთა ფინანსურ განათლებას.

კონკურსში მონაწილეობა შეუძლია საქართველოს საჯარო და კერძო სკოლების ნებისმიერ მოქმედ პედაგოგს, რომლებიც ფინანსური წიგნიერების მიმართულებით აქტივობებსა და პროექტებს ახორციელებენ.

საკონკურსო განაცხადის ფორმა და პირობები გამოქვეყნდება ფინედუს ოფიციალურ ვებგვერდზე 2026 წლის 15 მაისს და აღნიშნულის გამოგზავნა შესაძლებელი იქნება 2026 წლის 15 ივნისის ჩათვლით.

დეტალურად კონკურსის პირობებზე ინფორმაცია იხილეთ ბმულზე.