UNICEF საქართველოს მიაჩნია, რომ დღეს ბაღები სავალდებულო სტანდარტებით არ იმართება, რის გამოც ხარისხის კონტროლი და მონიტორინგიც არ ხდება.

"სახელმწიფო, როგორც ცენტრალურ ასევე ადგილობრივ დონეზე, ვალდებულია უზრუნველყოს სკოლამდელი დაწესებულებების პერსონალის გრძელვადიანი და რეგულარული მომზადება, რაც აამაღლებს აღმზრდელ-პედაგოგების კვალიფიკაციას და გარემოსაც უფრო უსაფრთხოს გახდის ბავშვისთვის", - აცხადებენ UNICEF საქართველოში.

ორგანიზაციაში მიაჩნიათ, რომ სკოლამდელი განათლების სისტემის გასაუმჯობესებლად და უსაფრთხო გარემოს უზრუნველსაყოფად მნიშვნელოვანია კანონით განსაზღვრული ბავშვთა რაოდენობის სტანდარტის დაცვა. ამ სტანდარტით, ბავშვთა რაოდენობა ჯგუფებში არ უნდა აღემატებოდეს 25 და 30-ს.