საქართველოს 16 წლამდე გოგონათა საკალათბურთო ნაკრები კოსოვოში, ევროპის ჩემპიონატის C დივიზიონში იასპარეზებს. საქართველოს ეროვნული საკალათბურთო ნაკრების მთავარი სპონსორი საქართველოს ბანკია.

გოგონათა საკალათბურთო ეროვნული ნაკრები მზად არის FIBA U16 Women’s EuroBasket-ის C დივიზიონში იასპარეზოს, რომელიც 2025 წლის 8-13 ივლისს, კოსოვოში გაიმართება.

ნაკრების შემადგენლობა:

ნომერი 1 — ელენე კალანდარიშვილი;

ნომერი 2 — თამარ ზავრადაშვილი;

ნომერი 4 — ლიზი ჯაბუა;

ნომერი 7 — მარიამი კეკელია;

ნომერი 9 — ნინი ივანიძე;

ნომერი 11 — ელენე ბოხუა;

ნომერი 14 — ბაია ზურაბიშვილი;

ნომერი 16 — მარიამ ყაველაშვილი;

ნომერი 20 — ანა მესტუმრიშვილი;

ნომერი 24 — ლინა უგრეხელიძე;

ნომერი 30 — ეკატერინე ქართველიშვილი;

ნომერი 77 — ანასტასია აბულაძე.

ტურნირში მონაწილეობას 2 ჯგუფში განაწილებული 8 გუნდი მიიღებს. შეჯიბრის დასრულების შემდეგ, 3 საუკეთესო გუნდი B დივიზიონში გადავა და 2026 წელს უფრო მაღალი დონის ტურნირზე იასპარეზებს.

საქართველოს ნაკრები ჩემპიონატისთვის დიდი შემართებითა და მონდომებით ემზადებოდა. ახალგაზრდა კალათბურთელები ქვეყნის მომავლის იმედია. ისინი მთავარი მწვრთნელის, გიორგი გოლიაძის ხელმძღვანელობით გამარჯვებისთვის იბრძოლებენ და საერთაშორისო გამოცდილებასაც მიიღებენ.

ნაკრების მთავარ მწვრთნელს U16-ზე ასისტენტობას, მაია ჩარგეიშვილი გაუწევს. გოგონების ფიზიკურ წრთვნაზე ეკატერინე წივწივაძე ზრუნავს, ჯანმრთელობაზე კი ნაკრების ექიმი, გვანცა კოპალეიშვილი. დელეგაციას კახა შენგელია უხელმძღვანელებს, მას მხარდაჭერას მენეჯერი, ლელა ცანავა გაუწევს.

საქართველოს ნაკრები ჯგუფურ ეტაპზე ძლიერი გამოსვლით პლეი-ოფის საგზურის მოპოვებასა და საუკეთესო სამეულში მოხვედრას შეეცდება, რაც მას B დივიზიონში გადასვლის შესაძლებლობას მისცემს.

გუნდის თამაშები პირდაპირ ეთერში გადაიცემა და შედეგები ხელმისაწვდომი იქნება FIBA-ს ოფიციალურ პლატფორმებზე .

ერთად ვუგულშემატკივროთ 16-წლამდე გოგონათა საკალათბურთო ნაკრებს!

საქართველოს საკალათბურთო ნაკრების მთავარი სპონსორი საქართველოს ბანკია.