2025 წლის NATO-ს სამიტზე, რომელიც ჰააგაში ჩატარდა, მსოფლიოს ლიდერები კვლავ შეიკრიბნენ, რათა განეხილათ უსაფრთხოების გლობალური გამოწვევები. თუმცა, შეხვედრის ერთ-ერთი ყველაზე გახმაურებული მომენტი პოლიტიკას ნაკლებად უკავშირდებოდა — დონალდ ტრამპის შეხვედრამ ნიდერლანდების მეფესთან, უილემ-ალექსანდერთან და დედოფალ მაქსიმასთან არაერთი ღიმილი გამოიწვია როგორც ადგილზე მყოფებში, ისე სოციალურ მედიაში.

შეხვედრაზე ტრამპი ფოტოკამერების წინ იღიმებოდა და პოზირებდა. მისთან ერთად მეფე უილემ-ალექსანდერი და დედოფალი მაქსიმა იმყოფებოდნენ. მაშინ, როცა ტრამპი მეფეს ესაუბრებოდა, დედოფალმა მისი ცნობილი საუბრის მანერა "გააჯავრა" და კომიკურად ზუსტი იმიტაცია შემოგვთავაზა:

ეს პატარა სპონტანური პერფორმანსი ადგილობრივმა პრესამ შეაფასა როგორც "დედოფლის დიპლომატიური კომედია", ხოლო ზოგი ინტერნეტმომხმარებელი წერდა, რომ მაქსიმა "მთელი სამიტის მთავარი ვარსკვლავი" გახდა.