11 ივნისს, ფრანგი ფოტოგრაფი მარილიზ ვინიო საქართველოში არ შემოუშვეს. ის ვენიდან ქუთაისის საერთაშორისო აეროპორტში ჩამოფრინდა და ქვეყანაში შემოსვლაზე უარის მიზეზად "საქართველოს კანონმდებლობით გათვალისწინებული სხვა შემთხვევები" დაუსახელეს.

ფოტოგრაფის თქმით, პასპორტში ბეჭედი ჩაურტყეს, მაგრამ მერე საბუთების დაბრუნებაზე უარი უთხრეს და დაკითხვაზე მიიყვანეს. კითხვები მისი მარშრუტის, ტურისტული სტატუსის შესახებ იყო. სამსაათიანი ლოდინის შემდეგ კი, მკაფიო განმარტების გარეშე, უარი უთხრეს ქვეყანაში შემოსვლაზე.

მერილისი პოლონეთში დეპორტაციამდე რამდენიმე საათით დააკავეს, ბარგისა და კომპიუტერის გარეშე და აიძულეს ტელეფონი დაებრუნებინა — რაზეც ქართველ ადვოკატთან კონსულტაციის შემდეგ უარი განაცხადა.

ფოტოგრაფი მარილიზ ვინიო 2023 წელს საქართველოში მიმდინარე საპროტესტო აქციები გადაიღო. იგი რეგულარულად აქვეყნებდა ქართველების თავისუფლებისა და დემოკრატიისთვის ბრძოლის მხარდასაჭერ შინაარსის პოსტებს.

როგორც პუბლიკა წერს, "მისი ნამუშევრები საქართველოდან The Eye of Photography-სა და Hot Mirror-ში გამოქვეყნდა, ასევე გამოიფინა თბილისში, Kolga Photo Festival-ზე და რამდენიმე საერთაშორისო კონკურსის სიაშიც მოხვდა.

ფოტოგრაფი ამბობს, რომ ასევე რეგულარულად აქვეყნებდა პოსტებს სოციალურ ქსელებში, სადაც ღიად გამოხატავდა მხარდაჭერას ქართველი ხალხის ბრძოლის მიმართ თავისუფლებისა და დემოკრატიისთვის.

მარილიზ ვინიო ამბობს, რომ საქართველოსთან უშუალო და ღრმა კავშირი 2019 წელს პირველი ვიზიტის შემდეგ აქვს.

ფოტოგრაფი აცხადებს, რომ შესვლაზე უარს გაასაჩივრებს და ამასთან დაკავშირებით ადვოკატსაც უკვე დაუკავშირდა", — წერს "პუბლიკა".