HBO-ს სერიალ, Big Little Lies მსახიობმა შეილინ ვუდლიმ, რომელიც წელს ემის ერთ-ერთ ნომინაციაზე იყო წარდგენილი, წითელ ხალიჩაზე ინტერვიუს დროს თქვა, რომ მას სერიალები დიდად არ უყვარს.

"ვერ ვხვდები ხალხს როგორ აქვს იმდენი დრო, რომ ტელევიზორს უყუროს? მე კითხვა მიყვარს, ამიტომ სერიალების ყურებას ყოველთვის წიგნს ვარჩევ", - თქვა ვუდლიმ.

ამ განცხადებამ ამერიკელი მაყურებლის გაღიზიანება გამოიწვია, მათ შორის იყვნენ შეილინის ფანებიც, რომლებმაც თქვეს, რომ წლის ერთ-ერთი ყველაზე წარმატებული სერიალის ვარსკვლავს ასეთი რამ არ უნდა ეთქვა, რადგან ამით ბევრ ადამიანს მიაყენა შეურაცხყოფა.

შეილინს აკრიტიკებდა პრესაც და ამბობდნენ, რომ მსახიობის ეს განცხადება სამარცხვინო იყო.

"კარგით რა, წელს ბევრი წიგნი წავიკითხე, ამავდროულად ბევრი სერიალიც ვნახე, საკუთრი ცხოვრებისთვისაც ძალიან ბევრი დრო დამრჩა და ვფიქრობ, ასეთი პოპულისტური განცხადებების დრო არ არის. იმედია აღიარებს, რომ შეცდა", - თქვა Indiwire-ის რედაქტორმა ემილი ნასბაუნმა.

ამავე თემაზე: