ბიზნესის წარმატებას, ბევრ სხვადასხვა ფაქტორთან ერთად, მნიშვნელოვნად განაპირობებს ფინანსების სწორი მართვა. ამიტომ თუ მართავთ მცირე კომპანიასა თუ საწარმოს ან ხართ დამწყები ბიზნესმენი, სანდო ფინანსური პარტნიორი აუცილებლად დაგჭირდებათ. ეს ფუნქცია კი, თანამედროვე სამყაროში შეიძლება აპლიკაციამ შეასრულოს.

მობილური აპლიკაცია, რომელიც სწრაფ ზრდაში, მონაცემებზე დაფუძნებული გადაწყვეტილებების მიღებასა და უბრალოდ, მეტი წარმატების მიღწევაში დაგეხმარებათ, უკვე არსებობს და ეს საქართველოს ბანკის ბიზნეს მობილბანკია. ის ბიზნესებს შესაძლებლობას აძლევს, ფინანსური მდგომარეობის სრული სურათის დანახვის, დროის დაზოგვისა და იმის გაგების — რა დამატებითი ბენეფიტები არსებობს მათთვის.

ამ სტატიაში იმ 5 მიზეზზე გიამბობთ, რომლებიც უპირატესობას ანიჭებს საქართველოს ბანკის ბიზნეს მობილბანკს დამწყები ბიზნესისთვის.

1) ბიზნესისა და პერსონალური ფინანსების გამიჯვნის შესაძლებლობა

ბიზნესისა და პერსონალური ფინანსების გამიჯვნა გრძელვადიანი წარმატების ერთ-ერთი მნიშვნელოვანი წინაპირობაა. ეს კარგი შესაძლებლობაა, სწორად დათვალოთ კომპანიის შემოსავლები, ხარჯები თუ მოგება. ამისთვის კი საქართველოს ბანკის ბიზნეს მობილბანკი ოპტიმალური ინსტრუმენტია. ბიზნეს მობილბანკში ერთიანდება ყველა ტრანზაქცია, მიღებული გადახდები, გადასახადები თუ გადარიცხვები, რითიც შესაძლებელია კვირის, თვის თუ წლის ჭრილში კომპანიის ფინანსურ დინამიკას მარტივად — მობილურით დააკვირდეთ.

2) დამატებით ფინანსურ რესურსებზე წვდომის გამარტივება

მას შემდეგ, რაც ბიზნესისა და პირად ფინანსებს ერთმანეთისგან გამიჯნავთ, შესაძლებლობა გეძლევათ, ბიზნესის ფინანსური ისტორია სრული სიზუსტით წარადგინოთ პოტენციურ ინვესტორთან, მათ შორის ბანკთან. სანდო მონაცემები კი ამარტივებს წვდომას ფინანსურ რესურსებზე, შესაბამისად, აჩენს ახალი პროექტების წამოწყებისა და გაფართოების კიდევ უფრო მეტ არეალს.

3) გადახდები, გადარიცხვები და ამონაწერი — ერთ სივრცეში

საქართველოს ბანკის ბიზნეს მობილბანკის დახმარებით, ყოველდღიური საბანკო ტრანზაქციები დიდი ხანია უკვე რაც, სულ რამდენიმე წამში სრულდება. გადარიცხვებისა და გადახდების განხორციელებას თუ ამონაწერის ამოღებას აღარ სჭირდება ფილიალში მისვლა. ეს და კიდევ სხვა არაერთი ოპერაცია დისტანციურად, ციფრულად სრულდება, რითიც ბიზნესი ერთ-ერთ ყველაზე მნიშვნელოვან რესურსს — დროს ზოგავს.

4) სპეციალური შეთავაზებები ბიზნესისთვის

ბიზნეს მობილბანკში ხელმისაწვდომია ათობით შეთავაზება სხვადასხვა საჭიროებისთვის. მარკეტინგული ინსტრუმენტები, მარაგების მართვა, ბუღალტრული პროგრამები, პოლიგრაფიული მომსახურება, მზის პანელები — ეს იმ პროდუქტებისა და სერვისების მცირე ჩამონათვალია, რომლებსაც საქართველოს ბანკის პარტნიორი კომპანიები მცირე და საშუალო ბიზნესს სპეციალური პირობებით სთავაზობენ. სრული სიის სანახავად და სასურველი შეთავაზების გასააქტიურებლად შეგიძლიათ ეწვიოთ ბიზნეს მობილბანკს.

5) ტერმინალის შეკვეთა

ვაჭრობაში ჩართულ ბიზნესებს შესაძლებლობა აქვთ, აპლიკაციის მეშვეობით მარტივად შეუკვეთონ ტერმინალი. ამისთვის საჭიროა ბიზნეს მობილბანკში ეწვიოთ ახალი პროდუქტების გვერდს, მიუთითოთ ელ. ფოსტა და საქმიანობის სფერო. ამის შემდეგ კი ტერმინალს უმოკლეს დროში მიიღებთ. საყურადღებოა, რომ დამწყებ მეწარმეებს შესაძლებლობა აქვთ, ბიზნეს მობილბანკიდანვე გაააქტიურონ სასტარტო ბიზნეს ნაკრები, რის შემდეგაც 6 თვით ტერმინალს დამატებითი საკომისიოს გარეშე გამოიყენებენ.

საქართველოს ბანკის ბიზნეს მობილბანკის სხვა შესაძლებლობების გასაცნობად ეწვიეთ ბმულს, ხოლო თუ ჯერ არ ხართ ბიზნეს მომხმარებელი, გახსენით ანგარიში დისტანციურად და გაააქტიურეთ სასურველი ბიზნეს ნაკრები მარტივად.