მას შემდეგ, რაც ყოფილ მეუღლესთან, ემბერ ჰერდთან ხმაურიანი სასამართლო დავა ჰქონდა, ჯონი დეპი ყურადღების ცენტრში თავისი პირველი ჰოლივუდური პროექტით, Day Drinker-ით ბრუნდება.

დღეს Lionsgate-მა ფილმის პირველი კადრი გავრცელა. ეს მძაფრსიუჟეტიანი თრილერი ნარკოტიკების გადამზიდ კრუიზზე მომუშავე ბარმენზე (მადელინ კლაინი) მოგვითხრობს, რომელიც იდუმალ უცხო პირს (დეპს) დაუახლოვდება. მათი შემთხვევითი შეხვედრა კრიმინალური სამყაროს ბნელ სიღრმეებში ინაცვლებს.

ფოტო: Niete /Courtesy of Lionsgate

ფილმის რეჟისორი მარკ ვები იქნება. Day Drinker-ში მთავარ როლებს ჯონი დეპი და მადელინ კლაინი ასრულებენ, მათთან ერთად კი ვიხილავთ პენელოპე კრუზს, მანუ რიოსს, არონ პიპერს, ხუან დიეგო ბოტოსა და ანიკა ბოილს.

"აღფრთოვანებული ვარ, რომ ვიწყებთ გადაღებებს ჯონის, მადელინის, პენელოპას და ამ საოცარი გუნდის მონაწილეობით,"— განაცხადა ვებმა. "საოცარ ლოკაციაზე ვმუშაობთ, საუკეთესო გუნდთან ერთად, და წინ მძაფრი და ველური ისტორია გველოდება. ძალიან მაგარი იქნება."

მიუხედავად იმისა, რომ დეპმა 2022 წელს ფრანგულ ისტორიულ დრამაში Jeanne du Barry მიიღო მონაწილეობა, Day Drinker მისი პირველი მსხვილი ჰოლივუდური როლი იქნება 2022 წლის სასამართლო პროცესის შემდეგ. დეპმა ჰერდს უჩივლა 2018 წელს ჟურნალ Washington Post-ში გამოქვეყნებული სტატიის გამო, სადაც მსახიობი საკუთარ თავს "ოჯახური ძალადობის სახედ" მოიხსენიებდა და დეპს ფიზიკურ და ფსიქოლოგიურ ძალადობაში სდებდა ბრალს. საბოლოოდ, დეპმა საქმე მოიგო და ჰერდისგან 15 მილიონი დოლარის კომპენსაცია მიიღო.

ჟურნალ Variety-ის ცნობით, Day Drinker-ის გადაღებები მალე ესპანეთში დაიწყება, ხოლო ფილმის პრემიერა 2026 წელს არის დაგეგმილი.