"გამარჯვება ჩვენშია, ძალა სტუდენტებშია" — დედა ენის დღესთან დაკავშირებით, თსუ-თან სტუდენტები შეიკრიბნენ და საპროტესტო აქციას მართავენ. მათ უკვე შეუერთდნენ საზმაუს მარშის მონაწილეები.

აქციის მონაწილეები აცხადებენ, რომ დედაენის დღეს ისინი აპირებენ იმ ისტორიული მარშრუტის გავლას, რომელიც სტუდენტებმა და პროფესორ-მასწავლებელმა 1978 წლის 14 აპრილს გაიარეს თსუ-ს პირველი კორპუსიდან პარლამენტამდე.

1978 წლის 14 აპრილს თბილისში, რუსთაველის გამზირზე, გამოსული რამდენიმე ათასი ადამიანი წინ აღუდგა საბჭოთა კავშირის ხელმძღვანელობის ნებას და არ დაუშვა საბჭოთა კონსტიტუციაში შესულიყო ცვლილება, რომლის მიხედვით, ქართული ენა კარგავდა სახელმწიფო ენის სტატუსს.