აშშ-ს პრეზიდენტი, დონალდ ტრამპი ჩინეთს სავაჭრო ტარიფს 125%-მდე უზრდის, სხვა ქვეყნებს 90 დღით უპაუზებს. ამის შესახებ აშშ-ის პრეზიდენტი, დონალდ ტრამპი პლატფორმა Truth Social-ზე წერს.

მისი თქმით, ახალი ტარიფების დაწესების თარიღიდან, 2 აპრილიდან მოყოლებული 75-ზე მეტი ქვეყანა დაუკავშირდა ამერიკის შეერთებული შტატების წარმომადგენლებს ტარიფებთან დაკავშირებით და მათ "არანაირი ფორმით არ განახორციელეს საპასუხო ზომები ამერიკის შეერთებული შტატების წინააღმდეგ". ამიტომ, ამ ქვეყნებს ტარიფები 90 დღით დაუპაუზა და 10%-ით შემცირებული ორმხრივი ტარიფი დააწესა ამ სამი თვის განმავლობაში.

"ჩინეთის მიერ მსოფლიო ბაზრებისადმი გამოვლენილი უპატივცემულობის გამო, მე ვზრდი ამერიკის შეერთებული შტატების მიერ ჩინეთისთვის დაწესებულ ტარიფს 125%-მდე, რაც დაუყოვნებლივ ძალაში შევა. გარკვეულ მომენტში, იმედია, უახლოეს მომავალში, ჩინეთი მიხვდება, რომ აშშ-ს და სხვა ქვეყნების მოტყუება აღარ არის მდგრადი ან მისაღები.

და იმის გათვალისწინებით, რომ 75-ზე მეტი ქვეყანა დაუკავშირდა ამერიკის შეერთებული შტატების წარმომადგენლებს, მათ შორის ვაჭრობის დეპარტამენტებს, ხაზინას და აშშ-ის შტატის რეგულატორებს, რათა მოლაპარაკებები განეხორციელებინათ ვაჭრობასთან, სავაჭრო ბარიერებთან, ტარიფებთან, ვალუტის მანიპულირებასთან და არამონეტარულ ტარიფებთან დაკავშირებული განსახილველი საკითხების გადაწყვეტაზე და რომ ამ ქვეყნებმა, ჩემი მკაცრი რეკომენდაციით, არანაირი ფორმით არ განახორციელეს საპასუხო ზომები ამერიკის შეერთებული შტატების წინააღმდეგ, მე დავამტკიცე 90-დღიანი პაუზა და მნიშვნელოვნად — 10%-ით შემცირებული ორმხრივი ტარიფი ამ პერიოდში, რაც ასევე დაუყოვნებლივ ძალაში შევა", — წერს ტრამპი სოციალურ ქსელში.

შეგახსენებთ, რომ 2 აპრილს აშშ-ს პრეზიდენტმა დონალდ ტრამპმა შეერთებულ შტატებში იმპორტირებულ თითქმის ყველა საქონელზე მინიმალური 10%-იანი და მაქსიმუმ 50%-იანი ტარიფები დააწესა, ევროკავშირისთვის — 20%-იანი, ჩინეთისთვის კი 34%-იანი. საქართველო იმ ქვეყნებს შორის მოხვდა, რომელთან 10%-იანი ტარიფი აქვთ. ტრამპის ტარიფები არ შეხებია რუსეთს, რაც რუსეთზე დაწესებული სანქციებით ახსნეს.

აშშ-მ საქართველოს მეზობელ ქვეყნებს — უკრაინას, თურქეთს, აზერბაიჯანს, სომხეთს, საქართველოს ჩათვლით, 10%-იანი ტარიფი დაუწესა.