ქუთაისში ავტოსაგზაო შემთხვევას სამი ადამიანი ემსხვერპლა. შემთხვევა ქალაქის გასასვლელში, წყალწითელას ხიდთან მოხდა. ინფორმაციას "ინფო იმერეთი" ავრცელებს.

თვითმხილველების თქმით, მაღალი სიჩქარით მოძრავი მანქანა მდინარეში გადავარდა, მასში მყოფი ადამიანები ადგილზე დაიღუპნენ.

ავტოსაგზაო შემთხვევა გვიან ღამით მოხდა. ადგილზე იმყოფებოდნენ საპატრულო და სასწრაფო დახმარების ჯგუფები — სხვა დეტალები ჯერ-ჯერობით უცნობია.