აზერბაიჯანელი ჟურნალისტი და გამოცემა Turan-ის რედაქტორი მეჰმან ალიევი პატიმრობიდან გაათავისუფლეს. როგორც ჟურნალისტის ადვოკატი ამბობს, ალიევმა გაუსვლელობის ხელწერილი დადო და ის პოლიციის მეთვალყურეობის ქვეშ იქნება.

აგვისტოს თვეში აზერბაიჯანული საინფორმაციო სააგენტო Turan-ის ხელმძღვანელი მეჰმან ალიევი დააკავეს. მას გადასახადების გადახდისგან თავის არიდებასა და თანამდებობის ბოროტად გამოყენებაში სდებენ ბრალს.

მეჰმან ალიევის დაკავების გამო, სააგენტოს ყველა საბანკო ანგარიში დაბლოკეს, რის გამოც ჟურნალისტები მუშაობას ვეღარ აგრძელებდნენ.