ჩინეთის პრემიერმინისტრმა ლი ციანგმა დღეს, 5 მარტს, განაცხადა, რომ ჩინეთი მტკიცედ წაიწევს წინ თაივანთან გაერთიანებისკენ, მიუხედავად საგარეო ჩარევისა და იმუშავებს რიგით თაივანელებთან რათა ჩინელი ერის გაერთიანების იდეა აღასრულოს.

ჩინეთი თაივანს საკუთარ ტერიტორიად მიიჩნევს, მიუხედავად ამ უკანასკნელის მოსახლეობის წინააღმდეგობისა — გასულ წლებში ჩინეთის სახალხო რესპუბლიკამ კუნძულზე სამხედრო ზეწოლა გაზარდა.

"ჩვენ მყარად წინ წავიწევთ ჩინეთის გაერთიანების იდეის აღსასრულებლად და ვიმუშავებთ თაივანში ჩვენ თანამოძმე ჩინელებთან, ჩვენი ერის დიდებული გაერთიანების მისაღწევად", — წერს ლი ციანგი.

თაივანის პრეზიდენტმა ლაი ჩინგ-ტემ განაცხადა, რომ საკუთარი მომავლის გადაწყვეტა მხოლოდ თაივანელ ხალხს შეუძლია — პრეზიდენტმა არაერთხელ გამოთქვა ჩინეთთან საუბრის სურვილი, თუმცა ყოველ ჯერზე უარი მიიღო, რადგან ჩინეთის სახალხო რესპუბლიკა მას "სეპარატისტად" მოიხსენიებს.