ოსკარის მფლობელი ქეთი ბეიტსი რამდენიმე დღის წინ ნეტფლიქსის ერთ-ერთ გადაცემაში იყო სტუმრად, სადაც მსახიობმა ჰოლივუდზე, სერიალებსა და სიმსივნეზე ისაუბრა, რომლის დიაგნოზიც ცოტა ხნის წინ კიდევ ერთხელ დაუსვეს.

ჩელსის გადაცემაში სტუმრობისას ბეიტსმა წამყვანს საჩუქრად პლანიც მიუტანა, რომლსაც ის მას შემდეგ მოიხმარს რაც ზემოთ ხსენებული დაავადება აღმოუჩინეს.

"არც კი მახსოვს პირველად როდის გავსინჯე მარიხუანა, ეს დიდი ხნის წინ იყო, მაგრამ ახლა მას სამედიცინო მიზნისთვის მოვიხმარ", - თქვა მსახიობმა.

ქეთი ბეიტსმა 2003 წელს წარმატებით დაამარცხა საკვერცხეების სიმსივნე, თუმცა 2012 წელს მას მკერდის კიბოს დიაგნოზი დაუსვეს, 2014 წელს კი კიდურების სიმსივნე დაუდგინდა.

"ამ თემაზე ყოველთვის ხმამაღლა ვილაპარაკებ, რადგან ხშირად ამაზე არ საუბრობენ, ბევრისთვის ეს სასირცხილო თემაც კი არის, ისე როგორც კაცების შემთხვევაში პროსტატა. წლების წინ მეც მეუხერხულებოდა ამაზე საუბარი, მაგრამ მივხვდი, რომ ასე არ შეიძლება, პირიქით, ჩემი შესაძლებლობა უნდა გამოვიყენო", ამბობს ბეიტსი.

მსახიობმა თქვა ისიც, რომ მის ცხოვრებაში ბოლო ხუთი წელი საუკეთესო პერიოდი იყო.

"ყოველთვის მადლობელი ვიქნები რაიან მერფის, რომელსაც ასაკოვანი მსახიობები უყვარს, გიჟდება ვარსკვლავებზე და ჯესიკაზე [ლენგი], რომელიც ჩემი ძველი მეგობარია. ვუყურებდი სერიალს [American Horror Story] და ვფიქრობდი, ჯანდაბა, მე ამ შოუში უნდა მოვხვდე და მოვხვდი კიდევაც. სწორედ იმ პერიოდში საშინელი ზაფხული მქონდა, ჩემი ერთი სერიალი დაიხურა, იმავე ზაფხულში აღმოვაჩინე, რომ მკერდის სიმსივნე მქონდა, ხომ წარმოგიდგენიათ ჩემი რეაქცია? ვფიქრობდი, რომ უკვე მოხუცი ვიყავი, თანაც ავადმყოფი და ვის მოუნდებოდა ჩემი როლზე მიწვევა? სწორედ ამ დროს გამოჩნდა რაიანი", იხსენებს ქეთი ბეიტსი.