უკრაინის დაზვერვის მთავარი სამმართველოს უფროსმა, კირილო ბუდანოვმა უკრაინულ მედიასთან სამშვიდობო მოლარაპარაკებებთან დაკავშირებით ისაუბრა, რომელიც აშშ-სა და რუსეთს შორის, უკრაინის ჩართულობის გარეშე მიმდინარეობს. კირილო ბუდანოვი ფიქრობს, რომ ცეცხლის შეწყვეტის შესახებ შეთანხმება წელს იქნება მიღწეული, თუმცა მის ხანგრძლივობაში დარწმუნებული არ არის.

"ჩემი აზრი გაინტერესებთ? — ვფიქრობ, რომ კი. ეს პარადოქსული ვითარებაა: მიუხედავად იმისა, რომ მხარეების საწყისი პოზიციები დიამეტრულად განსხვავებულია, ვფიქრობ, რომ წელს ცეცხლის შეწყვეტის რეჟიმამდე მივალთ. რამდენ ხანს გაგრძელდება და რამდენად ეფექტიანი იქნება — ეს უკვე სხვა საკითხია. მაგრამ ის, რომ ეს მოხდება, ვფიქრობ, რეალურია. ამისთვის საჭირო შემადგენელი ნაწილების უმეტესობა შესამჩნევია”, — განაცხადა ბუდანოვმა.

ბუდანოვმა ისაუბრა სამშვიდობო ძალების შესაძლო განლაგებაზეც და ეჭვქვეშ დააყენა, რომ ეს უსაფრთხოების გარანტია იქნება, ვინაიდან, მსოფლიოში არ არსებობს ქვეყანა, სადაც მშვიდობისმყოფელების შეყვანის პრაქტიკამ იმუშავა.