"თბილისი ენერჯი" გაზმომარაგების შესახებ ინფორმაციას ავრცელებს, სადაც წერს, რომ ცდილობენ 23:00 საათისთვის ყველა აბონენტს მიაწოდონ გაზი.

"ამ წუთის მონაცემებით:

დიდუბე-დიღომი: 19 700 აბონენტი - სრულად ჩართულია;

ვაკე-წყნეთი: 43 900, ჩართულია 55%. მიმდინარეობს 19 755-ის ჩართვა;

საბურთალო ნუცუბიძე: 87 200 აბონენტი, ჩართულია 55%. მიმდინარეობს 39 240 აბონენტის ჩართვას.

სამუშაოები ინტენსიურად გრძელდება.

კომპანია სრული რესურსით ჩართულია. ვცდილობთ, რომ ყველა აბონენტს მივაწოდოთ გაზი 23:00 საათამდე", — ნათქვამია განცხადებაში.

შეგახსენებთ, რომ 9 თებერვალს კომპანიამ გაავრცელა განცხადება, სადაც ნათქვამი იყო, რომ ცენტრალური გაზსადენის დაზიანების გამო, თბილისში ვაკის და საბურთალოს რაიონებში გაზის მიწოდება ავარიულად შეუწყდა 150 000-მდე აბონენტს. თბილისი ენერჯის ინფორმაციით, 500 მმ-იანი ცენტრალური გაზსადენი დაუდგენელ ვითარებაში, სავარაუდოდ მესამე პირის მიერ დაზიანდა. ამ დრომდე ვაკისა და საბურთალოს რაიონების აბონენტების დიდ ნაწილს გაზი არ მიეწოდება.