ბათუმის აქციების მედროშე თემურ ქათამაძე სასამართლომ პატიმრობაში დატოვა.

ქათამაძე პოლიციამ ბათუმში მიმდინარე პროევროპულ აქციაზე 11 იანვარს დააკავა, ადმინისტრაციული პატიმრობის ვადის გასვლის შემდეგ კი, 16 იანვარს, სავარაუდოდ, საიმიგრაციო წესების დარღვევის გამო, სამტრედიაში წინასწარი დაკავების იზოლატორიდან გამოსვლისთანავე დააკავეს.

"სამტრედიის სასამართლომ ჩვენი გურჯი მედროშე პატიმრობაში დატოვა, ამჯერად თბილისში, უცხოელთა დროებითი მოთავსების იზოლატორში, სამ თვემდე ვადით, სანამ გაძევება\არგაძევების საკითხი არ გადაწყდება.

სოლიდარობა და მხარდაჭერა მუჰაჯირთა შთამომავალ, სისხლით ხორცამდე ქართველ კაცს, თემურ ქათამაძეს!", — წერს Facebook პოსტში აკაკი გვიანიძე, ბათუმის საკრებულოს წევრი პარტიიდან "გახარია საქართველოსთვის".