ლანა დელ რეის 2025 წლის ზაფხულის ტურნეს განრიგი ცნობილია. მომღერალი ტურნეს ფარგლებში გაერთიანებულ სამეფოსა და ირლანდიას ეწვევა, ერთ-ერთი გაჩერება კი ლონდონის უემბლის სტადიონი იქნება.

ტურნე ხუთდღიანი იქნება, მომღერალი ივნისში ბოსტონს ეწვევა, ასევე 23 ივნისს იმღერებს კარდიფის Principality Stadium-ზე, 26 ივნისს გლაზგოს Hampden Park-ზე, 28 ივნისს ლივერპულის ენფილდის სტადიონზე, 30 ივნისს დუბლინის Aviva-ს სტადიონზე, ბოლოს კი, 3 ივლისს ლონდონის უემბლის სტადიონზე გამართავს კონცერტს.

მომღერლის განცხადებით, მისი მომავალი ქანთრი ალბომი — Lasso, სექტემბერში გამოვა. ამასთან, ივლისში მან გამოუშვა სინგლი Tough, რეპერ Quavo-სთან თანამშრომლობით.

ლანა დელ რეის ბოლოს ალბომი 2023 წელს გამოვიდა, რომელმაც კრიტიკოსების მოწონება დაიმსახურა და გრემის ნომინაციაზეც იყო წარდგენილი.