თბილისის ცენტრში, ნაქირავებ ბინაში ორი სტუდენტი გარდაცვლილი იპოვეს. ინფორმაციას ტვ პირველი ავრცელებს. შშს ოფიციალური ინფორმაცია ჯერ არ გაუვრცელებია.

ტვ პირველის ცნობით, გარდაცვალება, სავარაუდოდ, რამდენიმე დღის წინ დადგა, რადგან მეგობრები რამდენიმე დღე ცდილობდნენ მათთან დაკავშირებას, რის შემდეგაც ახალგაზრდები შშს დაუკავშირდნენ, ისინი ადგილზე მივიდნენ და ცხედრები აღმოაჩინეს.

ამ დრომდე უცნობია, რა გახდა ახალგაზრდების გარდაცვალების მიზეზი. ცხედრები ექსპერტიზის ბიუროშია გადასვენებული.