დღეს, 12 ნოემბერს, 19:00 საათზე ძლიერი საქართველო ბათუმში საპროტესტო აქციას გამართავს. საპროტესტო აქცია ცენტრალურ საარჩევნო კომისიასთან გაიმართება, მისამართზე დემეტრე თავდადებულის ქუჩა №27.

"26 ოქტომბერს "ქართულმა ოცნებამ" ჩვენს ხმებთან ერთად მოგვპარა ევროპული მომავალი. ამიტომ საქართველოს თითოეული მოქალაქე ვალდებულია დაიცვას საკუთარი ხმა და კონსტიტუციით გარანტირებული საქართველოს ევროპული მისწრაფება. ამ მიზნის საბოლოო მიღწევამდე, მსოფლიოს კიდევ ერთხელ უნდა გავაგონოთ, რომ ეს ქვეყანა გვეკუთვნის ჩვენ და არა რუსეთის მსახურ ოლიგარქ ივანიშვილს. ვროპული მომავალი ივანიშვილთან ერთად მოგვპარა გიორგი კალანდარიშვილმა და ცენტრალურმა საარჩევნო კომისიამ, სადაც ქართველო ხალხის ნება გადაწერეს და ოლიგარქის სასარგებლო შედეგები "დასვეს". ამიტომ, 12 ნოემბერს, 19 საათზე, ჩვენი ხმების დასაცავად ვიკრიბებით ბათუმში, ცესკოს შენობასთან, დ.თავდადებულის #27 და ვითხოვთ ახალ არჩევნებს", — ვკითხულობთ აქციის ორგანიზატორების განცხადებაში.