პარლამენტის თავმჯდომარე შალვა პაპუაშვილმა 26 ოქტომბრის არჩევნებზე ბარიერგადალახულ ოთხ ოპოზიციურ პარტიას "ნაცები" უწოდა.

ამ არჩევნებზე საბოლოოდ ოფიციალურად გაფორმდნენ ეს ოთხი პარტია, ზოგი ბარიერს მიღმა დარჩა, ერთ ნაციონალურ მოძრაობად. ნაცები არიან ყველა 26 ოქტომბრის შემდეგ, ამიტომ როცა ამ ნაცებთან გვაქვს ურთიერთობა, შესაბამისადაც იქნება ჩვენი ურთიერთდამოკიდებულება", — აღნიშნა შალვა პაპუაშვილმა.

პაპუაშვილის თქმით, აღნიშნულმა პარტიებმა "უცხოეთიდან კარნახით" შეიმუშავეს ტაქტიკა და იმ მიზნით, რომ ბარიერი ყველას გადაელახა და ქართული ოცნებისთვის ზიანი მიეყენებინათ, ერთმანეთზე ხელოვნურად ანაწილებდნენ ხმებს.

"უცხოეთიდან კარნახით შეიმუშავეს ტაქტიკა, რომ რაც შეიძლება ბევრ პარტიას გადაელახა ბარიერი, ამის პროპორციულად ქართულ ოცნებას ზიანი მიყენებოდა და უმრავლესობა არ ჰქონოდა. ამ ტაქტიკაში ისინი ერთად იყვნენ, ერთმანეთზე ხელოვნურად ანაწილებდნენ ხმებს, რათა 5%-იანი ბარიერი ყველას გადაელახა “, — განაცხადა შალვა პაპუაშვილმა.