15 ოქტომბერს ვატიკანის მუზეუმმა წლების შემდეგ კვლავ წარმოადგინა ბერძნული ღმერთის, "აპოლონ ბელვედერელის" მეორე საუკუნეში შექმნილი რომაული ქანდაკება.

ფოტო: Reuter

ქანდაკება ქვედა ნაწილში, მუხლისა და ფეხის არეალში იყო გაბზარული და დაზიანებული. რესტავრატორებმა დაზიანებული ქანდაკების აღდგენაზე წლები იმუშავეს. ქანდაკება ლაზერის სხივის საშუალებით გაწმინდეს და მდგრადობის შესანარჩუნებლად ბოჭკოს საყრდენი დაამაგრეს.

ფოტო: Reuters

ითვლება, რომ ქანდაკება ორიგინალური ბერძნული ბრინჯაოს ქანდაკების რომაული ასლია. ის ვატიკანში რომის პაპმა იულიუს II-მ XVI საუკუნის დასაწყისში ჩაიტანა.

ქანდაკება რესტავრატორებს 2019 წელს მას შემდეგ გადაეცათ, რაც მუზეუმის თანამშრომლებმა მის ფეხებზე მცირე დაზიანებები შენიშნეს.

ფოტო: Reuters

მუზეუმის ქვის და მარმარილოს სახელოსნოს კურატორმა, გაი დევრუქსმა აღნიშნა, რომ ქანდაკება "წარმოუდგენლად დრამატულ" მდგომარეობაში იყო. სარესტავრაციო სამუშაოები პანდემიის დროს დაახლოებით ორი წლით შეფერხდა.