საქართველოს პროკურატურამ, წინასწარი შეთანხმებით ჯგუფების მიერ დიდი ოდენობით თანხების მოტყუებით დაუფლების საქმეზე, სამ პირს ბრალდება წარუდგინა.

აშშ-ს მიერ ჩატარებული გამოძიებით დადგინდა, რომ ბრალდებულებმა წინასწარი შეთანხმებით, დიდი ოდენობით თანხის დაუფლების მიზნით, შპს თ-ნ გოლდთან, რომლის საქმიანობა ავტომანქანაზე რეგისტრირებული გირავნობის სესხის გაცემას მოიცავდა, სესხისა და გირავნობის ხელშეკრულება გააფორმეს, ხოლო უზრუნველყოფის საშუალებად ორი ავტომანქანა წარადგინეს.

აშშ-ის ინფორმაციით, თანხის მიღების შემდეგ ბრალდებულებმა კომპანიის ნებართვისა და ინფორმირების გარეშე, დაგირავებული ავტომანქანები ფორმალურად გადააფორმეს სხვის სახელზე და ქვეყნის საზღვრებს გარეთ გაიყვანეს, რითაც კომპანიას დიდი ოდენობით, 146 400 ლარის ქონებრივი ზიანი მიადგა.

ორი ბრალდებული 24 სექტემბერს, სამართალდამცავებმა, მოსამართლის განჩინების საფუძველზე დააკავეს. ერთი პირი საქართველოში არ იმყოფება, ამიტომ მის მიმართ სისხლისსამართლებრივი დევნა დაუსწრებლად დაიწყო.

სამივე პურს ბრალდება სისხლის სამართლის კოდექსის 180-ე მუხლის მე-2 ნაწილის "ა" და მე-3 ნაწილის "ბ" ქვეპუნქტით (თაღლითობა, წინასწარი შეთანხმებით ჯგუფის მიერ, რამაც დიდი ოდენობით ზიანი გამოიწვია) წარედგინა, რაც 6-დან 9 წლამდე თავისუფლების აღკვეთას ითვალისწინებს.

პროკურატურის შუამდგომლობის საფუძველზე სამივე ბრალდებულს აღკვეთის ღონისძიების სახით პატიმრობა შეეფარდა.