ისრაელის შეიარაღებულმა ძალებმა ლიბანის დედაქალაქ ბეირუთზე საჰაერო იერიში მიიტანა, თავდასხმას "ჰეზბოლას" მეთაური იბრაჰიმ კუბაისი ემსხვერპლა, — ინფორმაცია ისრაელის თავდაცვის არმიის "ცაჰალის" ტელეგრამ არხზეა გამოქვეყნებული

"ისრაელის თავდაცვის არმიამ ბეირუთზე წერტილოვანი დარტყმა განახორციელა", — ნათქვამია ინფორმაციაში.

ებრაული მედიის ცნობით, ისრაელმა ბეირუთის დაჰიას რაიონი დაბომბა, სადაც დაჯგუფება "ჰეზბოლა" არის დაბინავებული.

ისრაელმა ლიბანში მოქმედი დაჯგუფება "ჰეზბოლას" წინააღმდეგ სამხედრო ოპერაცია 23 სექტემბერს დაიწყო. ოპერაციის სახელწოდებაა "ჩრდილოეთის ისრები". როგორც ისრაელის მთავრობის წარმომადგენლები ამბობენ, სამხედრო კამპანიის მიზანს ქვეყნის ჩრდილოეთით უსაფრთხო პირობების შექმნაა, რათა მოსახლეობა, რომელიც "ჰეზბოლას" პერმანენტული დაბომბვების გამო დროებით არის გახიზნული, საკუთარ სახლებში დაბრუნდეს.