20 წლის ბრიტანელი მოდელს იტალიაში ფოტოსესიისთვის გამგზავრება თითქმის სიცოცხლის ტოლფასად დაუჯდა. უკანონო დაჯგუფება ბიტკოინების სანაცვლოდ ქლოი აილინგის ონლაინ გაყიდვას აპირებდა.

მოდელი 6 დღის განმავლობაში ტრეფიკინგის მსხვერპლი იყო. ის მილანში 11 ივლისს ჩავიდა, სადაც მას "შავი სიკვდილის დაჯგუფების" წევრები თავს დაესხნენ, ნარკოტიკებით გააბრუეს, ჩემოდანში ჩაკეტეს და ტურინში გაიტაცეს.

@thaimatic x @sixty6mag 🍸

A post shared by Chloe Ayling (@chloeayling) on

"უცნობი პირი უკნიდან მომიახლოვდა, მას შავი ხელთათმანები ეკეთა. ერთი ხელი მხარზე დამადო და მეორე პირზე ამაფარა. ამ დროს მეორე პირმა მკლავზე ნემსი გამიკეთა და გონება დავკარგე.

როცა გავიღვიძე, ვარდისფერი ბოდე მეცვა. მივხვდი, რომ მანქანის საბარგულში ვიყავი, ხელ-ფეხ შეკრული. ჩანთაში ვიყავი, რომელსაც პატარა ნახვრეტი ჰქონდა დატოვებული, რომ მესუნთქა".

მოდელის თქმით, ის იმდენს ყვიროდა, რომ გამტაცებლებმა მანქანა სამჯერ გააჩერეს. "ტყვეობის განმავლობაში, კარადაზე ვიყავი მიბმული", იხსენებს ის.

ქლოის გამოსასყიდის საფასური $300 ათასზე მეტის ექვივალენტი იყო. ის 17 ივლისს გაათავისუფლეს, რის შემდეგაც, პოლიციამ ის ბრიტანეთის საელჩოში გადაიყვანა.

სხვადასხვა მედიის ინფორმაციით, მოდელის გათავისუფლება მას შემდეგ გადაწყდა, რაც დაჯგუფების უფროსმა მის ინსტაგრამზე ბავშვის ფოტოები ნახა. მოდელი ადასტურებს ვერსიას, რომ დაჯგუფების წესების მიხედვით, დედების გაყიდვა აკრძალულია.

8 months old today 💙

A post shared by Chloe Ayling (@chloeayling) on

წერილის მიხედვით, რომელიც მოდელს გათავისუფლების შემდეგ გადასცეს, საქმეზე გამოძიება არ უნდა დაწყებულიყო, მას კი $50 ათასი ბიტკოინით უნდა გადაეხადა.

იტალიის პოლიციის თქმით, მოდელის გათავისუფლების შემდეგ, გატაცებაში მონაწილეობის ბრალდებით 30 წლის ბრიტანეთში მცხოვრები პოლონელი კაცი ლუკას პაველ ჰერბა დააკავეს.

Run with my beagle 🐶🖤

A post shared by Chloe Ayling (@chloeayling) on