ოკუპირებული აფხაზეთის დე ფაქტო საგარეო საქმეთა მინისტრის, სერგეი შამბას თქმით, ე.წ. აფხაზეთის მთავრობის ინტერესში არ შედის საქართველოს საპარლამენტო არჩევნებში "კონფრონტაციულად განწყობილი" ოპოზიციის გამარჯვება.

მან ასევე აღნიშნა, რომ ოკუპირებული აფხაზეთი მიესალმება საქართველოსა და რუსეთს შორის ურთიერთობის ნორმალიზებას.

"ვფიქრობ, რუსეთისა და საქართველოს ურთიერთობის განვითარება ჩვენს ინტერესებშია. არ მჯერა, რომ რუსეთს შეუძლია აფხაზეთის დამოუკიდებლობის აღიარების უკან გაწვევა. ის, რომ რუსეთი და საქართველო ოდესღაც დაამყარებენ ნორმალურ ურთიერთობას, ვფიქრობ, ჩვენ არ უნდა გვაშინებდეს, რადგან ყოველთვის ნებისმიერი სახელმწიფოს ინტერესში უნდა იყოს მეზობლებთან მშვიდობიანი ურთიერთობა. არ მგონია, ჩვენს ინტერესებში შედიოდეს, რომ საქართველოში კონფრონტაციულად განწყობილმა ოპოზიციამ გაიმარჯვოს" — თქვა შამბამ.