მონღოლეთმა სისხლის სამართლის საერთაშორისო სასამართლოს ბრძანება რუსეთის პრეზიდენტის, ვლადიმერ პუტინის დაკავების შესახებ არ შეასრულა. მიზეზად ქვეყანა რუსეთზე ენერგეტიკულად დამოკიდებულებას ასახელებს. ინფომრაცია მონღოლეთის ერთ-ერთმა მაღალჩინოსანმა განაცხადა.

„მონღოლეთს ნავთობპროდუქტების 95% და ელექტროენერგიის 20%-ზე მეტი ჩვენი უშუალო მეზობლებიდან შემოაქვს. მეზობელი კი მხოლოდ ორია: რუსეთი და ჩინეთი. ეს მარაგი გადამწყვეტია ჩვენი და ჩვენი ხალხის არსებობის უზრუნველსაყოფად“, – განაცხადა მონღოლმა მაღალჩინოსანმა.

შეგახსენებთ, რომ ვლადიმერ პუტინი მონღოლეთში 2 სექტემბერს ჩავიდა. მონღოლეთი სისხლის სამართლის საერთაშორისო სასამართლოს რომის წესდების (ICC), იგივე რომის სტატუტის წევრი 2003 წელს გახდა. რაც იმას ნიშნავს, რომ ქვეყანა ვალდებულია ითანამშრომლოს სასამართლოსთან, მის ტერიტორიაზე მყოფი ყველა ეჭვმიტანილი დააპატიმროს და სასამართლოს გადასცეს. სააგენტო Bloomberg-ის ცნობით, ულან-ბატორი პუტინს დაჰპირდა, რომ ქვეყანაში ჩასვლის შემთხვევაში მას არ დააპატიმრებდნენ.

ამავე თემაზე გაიგე მეტი:

პუტინმა მონღოლეთის პრეზიდენტი BRICS-ის სამიტზე მიიწვია

Bloomberg: თურქეთმა BRICS-ში გაწევრიანებაზე განაცხადი შეიტანა

პუტინი მონღოლეთში ჩავიდა