უკრაინამ კურსკში პროვოკაციით რუსეთის წინსვლა ვერ შეაჩერა, — ამის შესახებ რუსეთის პრეზიდენტმა, ვლადიმერ პუტინმა ქალაქ ტუვაში სკოლის მოსწავლეებთან გამართულ შეხვედრაზე განაცხადა.

"უკრაინის შეიარაღებული ძალების გათვლა იმაში მდგომარეობდა, რომ შეეჩერებინა ჩვენ წინსვლა დონბასის მიმართულებით. დიახ, ჩვენ ხალხს კურსკში რთული გამოცდის ჩაბარება უწევს, მაგრამ მტერმა მიზანს ვერ მიაღწია." — განაცხადა პუტინმა.

შეგახსენებთ, კურსკში სამხედრო ოპერაციები 6 აგვისტოდან გრძელდება. ბოლო მონაცემებით, უკრაინა რუსეთის რეგიონში დაახლოებით 1294 კვადრატულ კილომეტრს და ასზე მეტ დასახლებას აკონტროლებს.