შუქრუთში პროტესტის მონაწილე სამმა პირმა პირი ამოიკერა, ხუთმა კიდევ შიმშილობა დაიწყო.

შუქრუთში მაღაროელების პროტესტი ექვსი თვეა გრძელდება. მათი მთავარი მოთხოვნა, კომპანიის მხრიდან კომპენსაცია და უსაფრთხო საცხოვრებელი პირობების შექმნაა. აქციის მონაწილეების თქმით, მარგანეცის მოპოვებითი სამუშაოების გამო სახლებს ქვევით მიწა მთლიანად გამოცლილია, შენობები დანგრევის პირასაა, ჭები შრება და მოსავალი არ მოდის.

კომპანია ბრალდებებს უარყოფს და რამდენჯერმე უჩივლა პროტესტის მონაწილეებს, რომ ხელი არ შეუშალონ მანგანუმის მოპოვებაში. ამას გარდა, ისინი ზარალის ანაზღაურებისთვის გაფიცულებისგან 5 500 000 ლარის გადახდას ითხოვენ. საჩხერის რაიონულმა სასამართლომ პროტესტის მონაწილე სამ პირს კი 1000-1000-ლარიანი ჯარიმა დააკისრა.

24 აგვისტოს ჭიათურაში კომპანია ჯორჯიან მარგანეზის საქმიანობით დაზარალებული მოქალაქეები, საჩხერეში, სოფელ ჭორვილაში ბიძინა ივანიშვილის სახლისკენ მსვლელობით დაიძრნენ, თუმცა პოლიციამ მათ ივანიშვილის სახლთან მიახლოების საშუალება არ მისცა.

პროტესტანტების თქმით, ისინი დაშლას არ აპირებენ და მიზნის მისაღწევად ბოლომდე იბრძოლებენ.

ამავე თემაზე:

შუქრუთელები, ჭორვილაში ივანიშვილის სახლთან საპროტესტო აქციას გეგმავენ

ჯორჯიან მარგანეზის საქმიანობით დაზარალებული მოქალაქეები ჭორვილისკენ დაიძრნენ.