"ტომ ჰენკსი არ ცდილობს შენთვის ნარკოტიკების მიყიდვას“

მსახიობმა პოსტი ხუთშაბათ საღამოს ინსტაგრამზე გააზიარა, სადაც თაყვანისმცემლები ონლაინ რეკლამების შესახებ გააფრთხილა, რომლებიც ხელს უწყობენ ე.წ "სასწაული განკურნებისა და გასაოცარი წამლების" პროპაგანდას. რეკლამებში მსახიობის თანხმობის გარეშე მისი ხმის იმიტაციაა გამოყენებული, რომელიც AI-ის მიერაა გენერირებული.

"ინტერნეტში მრავალი რეკლამაა, სადაც გამოყენებულია ჩემი სახელი და ხმა. ეს რეკლამები ჩემი თანხმობის გარეშე, თაღლითურად და ხელოვნური ინტელექტის საშუალებით შეიქმნა. მე არაფერი მაქვს საერთო ამ პოსტებთან, რეკლამებთან, ნარკოტიკებთან თუ იმ მკურნალობასთან, რასაც ისინი გთავაზობენ, მე მაქვს ტიპი 2 დიაბეტი და მხოლოდ ჩემს პირად ექიმთან ვურთიერთობ ჩემს მკურნალობასთან დაკავშირებით. არ მოტყუვდეთ. არ მოგატყუონ. არ დაკარგოთ რთულად გამომუშავებული ფული" — აღნიშნულია მსახიობის ინსტაგრამ პოსტში.

სამწუხაროდ, ეს პირველი შემთხვევა არ არის, როდესაც მსახიობს ამა თუ იმ რეკლამის შესახებ საზოგადოების გაფრთხილება უწევს. მსგავსი პოსტი ტომ ჰენკსმა გასული წლის ოქტომბერშიც გააზიარა.