ამერიკელი მომღერლის, მერაია ქერის დედა, პატრიცია, და და, ალისონი, ერთსა და იმავე დღეს გარდაიცვალნენ.

ქერიმ ფანებს განცხადებით მიმართა. "გული მაქვს გატეხილი, რადგან გასულ შაბათ-კვირას დედა დავკარგე. სამწუხაროდ, ტრაგიკული დამთხვევის წყალობით, ჩემი დაც იმავე დღეს გარდაიცვალა," — ვკითხულობთ ტექსტში.

გრემის მფლობელი მუსიკოსის თქმით, თავს იღბლიანად მიიჩნევს, რადგან გარდაცვალებამდე მთელი კვირა დედასთან გაატარა და ხალხს ამ რთულ დროს მშვიდად განმარტოებასა და მისი პირადი სივრცის პატივისცემას სთხოვს.

ქერის დედისა და დის გარდაცვალების მიზეზი ჯერჯერობით არ არის ცნობილი.