თბილისში მომხდარი განზრახ მკვლელობის და მძიმე დანაშაულის შეუტყობინებლობის ფაქტზე ოთხი ადამიანი დააკავეს.

12 ივლისს, სოფელ დიღომში, შელაპარაკების ფაქტზე ბრალდებულმა ახლობელს, ცივი იარაღით რამდენიმე ჭრილობა მიაყენა და ადგილიდან მიიმალა. ფაქტს ორი საერთო მეგობარი ესწრებოდა, რომლებმაც მოწმედ ყოფნის დროს, გამოძიებისთვის, ცრუ ინფორმაციის მიწოდებით, ხელის შეშლა სცადეს.

მიღებული ჭრილობების შედეგად მამაკაცი საავადმყოფოში გადაყვანიდან მალევე გარდაიცვალა.

შსს-ს გამოძიების შედეგად, ბრალდებულის კვალს კახეთში მიაკვლიეს და დააპატიმრეს.

გაირკვა, რომ დანაშაულის შესახებ ცნობა კიდევ ერთ პირს ჰქონდა, თუმცა სამართალდამცავ ორგანოებს მომხდარის შესახებ არ შეატყობინა.

გამოძიება მიმდინარეობს სისხლის სამართლის 108-ე, 370-ე მუხლის მე-3 და 376-ე მუხლის მე-2 ნაწილით. დანაშაულები ითვალისწინებს 15 წლამდე ვადით თავისუფლების აღკვეთას.