HBO ჩერნობილის კატასტროფის შესახებ მინი-სერიალს გადაღებას გეგმავს, რომელშიც, სავარაუდოდ, მხოლოდ ხუთი სერია იქნება. ცნობილია ისიც, რომ სცენარს კრეიგ მაზინი დაწერს, რეჟისორი კი იოჰან რენკი იქნება.

შოუში მთავარ როლს სერიალ Mad Men-ის მსახიობი ჯარედ ჰარისი შეასრულებს.

ჯარედ ჰარისი სერიალში რეალური ადამიანის, რუსი მეცნიერი ვალერი ლეგასოვის როლს მოირგებს, რომელიც ჩერნობილის ბირთვული კატასტროფის გამომწვევი მიზეზების გამოძიების კომისიის წევრი გახდა, რომელსაც კრემლმა საიდუმლო ინფორმაციის გავრცელება დასდო ბრალად და საბჭოთა კავშირის მეცნიერებათა აკადემიის წევრობა ჩამოართვა.

კატასტროფიდან ორი წლის შემდეგ ის ჩამოხრჩობილი იპოვეს, თუმცა რეალური ეჭვები არსებობს იმის შესახებ, რომ ლეგასოვი მოკლეს და თვითმკვლელობის სცენა დადგმული იყო.

ჩერნობილის კატასტროფა 1986 წლის 26 აპრილს უკრაინის ტერიტორიაზე მდებარე ჩერნობილის ატომური ელექტროსადგურის მეოთხე ბლოკზე მოხდა. ეს იყო ბირთვულ მოვლენათა საერთაშორისო შკალით მეშვიდე დონის ერთადერთი შემთხვევა ისტორიაში, რომლის შედეგადაც რეაქტორი მთლიანად დაინგრა, რამაც მისი მიმდებარე ტერიტორიის რადიოაქტიური დაბინძურება გამოიწვია. ჩერნობილის კატასტროფა შეფასებულია, როგორც უდიდესი ავარია ატომური ენერგეტიკის ისტორიაში, როგორც დაღუპულთა და მისგან დაშავებულ ადამიანთა რაოდენობით, ისე ეკოლოგიური დაბინძურებითა და ეკონომიკური ზიანით.

როგორც ცნობილია, HBO სერიალის გადაღებას ლიტვაში ოქტომბერში დაიწყებს.