ტეორისტული ორგანიზაცია ISIS სოციალურ ქსელებში ინფორმაციის გასავრცელებლად ჰეშტეგ #JustinBeiber-ს იყენებს.

ცნობილი პოპ მოღერლის, ჯასტინ ბიბერის 76 მილიონამდე თაყვანისმცემელი აღნიშნულ ჰეშტეგს საათში დაახლოებით ათასჯერ მაინც იყენებს. ტერორისტული ორგანიზაციის კონტრორილებული Twitter ანგარიშები ფოტოებს, ტექსტებსა და სხვა მასალებს სწორედ ამ აუდიტორიისთვის უშვებენ იმ იმედით, რომ ე.წ. ბელიბერებში მათი პროპაგანდა წარმატებული იქნება და შედეგად ახალ მებრძოლებსა და თანამოაზრეებს გაიჩენენ.

ორგანიზაციამ ჰეშტეგით ახალი ვიდეო გამოაქვეყნა, რომელშიც ბრიტანული აქცენტის მქონე მამაკაცი მაყურებელს ორგანიზაციის შესახებ სხვადასხვა ინფორმაციას აწვდის. ვიდეოში ნაჩვენებია ბრძოლის სცენები, ISIS-ის მიერ მოკლული ადამიანების გვამები და სხვა.

ბიბერის ფანების მშობლები შეშფოთებულები არიან, რადგან ინფორმაციის გავრცელების ამ მეთოდით ბავშვებმა, რომლებიც მომღერლის შესახებ ახალ ინფორმაციებს ეძებენ, შესაძლოა შემთხვევით ეს სასტიკი ვიდეოებიც ნახონ.

ცნობილია, რომ ათობით ახალგაზრდა სირიაში, ისლამური სახელმწიფოს დე-ფაქტო დედაქალაქ რაქაში სწორედ მას შემდეგ გაემგზავა, რაც ორგანიზაციის წევრებმა მათი რეკრუტირება სოციალური ქსელების, კერძოდ კი ტვიტერის საშუალებით მოახერხეს.