მოკლედ: საქართველოს გენერალური პროკურორი, ირაკლი შოთაძე თანამდებობას ტოვებს.

  • შოთაძის თქმით, პარლამენტს თანამდებობიდან გადადგომის განცხადებით უკვე მიმართა.

დეტალები: შოთაძე წერს, რომ თანამდებობის დატოვების გადაწყვეტილება გართულებული ჯანმრთელობის მდგომარეობის გამო მიიღო, მკურნალობის პროცესს გადის და კვირაზე მეტია, ამ მიზნით საზღვარგარეთ იმყოფება.

  • "მეხუთე წელი მიდის, რაც საქართველოს გენერალური პროკურორის თანამდებობა მიკავია, ხოლო ზოგადად საჯარო სამსახურში 2005 წლიდან ვმუშაობ. ჩემთვის უდიდესი პატივია ჩემი ქვეყნის სამსახურში ყოფნა და ვამაყობ იმ წვლილით, რაც ჩემს კოლეგებთან ერთად ამ წლების განმავლობაში შევიტანეთ პროკურატურის რეფორმირებასა და განვითარებაში", — წერს შოთაძე.

ბოლო ხაზი: ირაკლი შოთაძე საქართველოს გენერალურ პროკურორად, 2020 წლის 18 თებერვალს აირჩიეს.