ფილმების მოყვარულები ყოველწლიურად ოსკარის ნომინანტების გამოვლენას სულმოუთქმელად ელოდებიან. ხშირად ისე ხდება, რომ ერთ და იგივე ცნობილ მსახიობებს სხვადასხვა წელს ანომინირებენ, ზოგი ვარსკვლავი კი ოსკარის ნომინანტად ჯერ არასდროს დაუსახელებიათ. ამ სტატიაში იმ 10 ცნობილი მსახიობის სიას გთავაზობთ, რომელთა ნომინაციის გარეშე დარჩენა მართლაც გასაკვირია.

1. კიანუ რივზი

The Matrix-ის ვარსკვლავს დღემდე არც ოსკარის და არც ოქროს გლობუსის ნომინაცია არ მიუღია. კიანუ რივზს პოპულარობა John Wick-ში მონაწილეობაც მოუტანა, რომლის მე-3 ნაწილი 2023 წელს გამოვიდა. ასევე, Speed და Point Break ის ცნობილი ფილმებია, რომლებშიც კიანუმ მთავარი როლი შეასრულა.

2. დემი მური

დემი მური, რომელმაც Ghost-ში პატრიკ სუეიზისთან ერთად შესრულებული როლით მაყურებელს თავი დაამახსოვრა, ოსკარზე არასდროს ყოფილა ნომინირებული. მსახიობმა მონაწილეობა მიიღო ისეთ ფილმებშიც, როგორებიცაა Charlie's Angels: Full Throttle, Indecent Proposal, G.I. Jane და სხვა.

///

3. ბრიუს უილისი

ბრიუს იულისს, რომელმაც კარიერა 1980-იან წლებში დაიწყო, ორი ემის ჯილდო აქვს მიღებული. თუმცა Die Hard-ის, Pulp Fiction-ის, Unbreakable-ის და სხვა ცნობილი ფილმების ვარსკვლავი ოსკარის ნომინანტად არასდროს დასახელებულა.

4. ჯიმ კერი

როგორ გასაკვირადაც არ უნდა ჟღერდეს, მრავალ ცნობილ ფილმში მონაწილეობის მიუხედავად, ოსკარის ნომინაცია არც ჯიმ კერის მიუღია. მსახიობის ფილმებიდან აღსანიშნავია Eternal Sunshine of the Spotless Mind, The Truman Show, Bruce Almighty, How the Grinch Stole Christmas და სხვა.

5. მეგ რაიანი

ცნობილი ფილმიდან When Harry Met Sally სალის როლის შემსრულებელიც ოსკარის ნომინანტად დღემდე არ დაუსახელებიათ. ამის მიუხედავად, მსახიობს 12 სხვადასხვა ჯილდო აქვს მოპოვებული, მისი ფილმებიდან კი ყველაზე ცნობილია Courage Under Fire, You've Got Mail და City of Angels.

6. კევინ ბეკონი

კევინ ბეკონმა ხანგრძლივი კარიერის განმავლობაში ოსკარის ნომინაცია ვერ მოიპოვა, ხოლო ემიზე ერთხელ იყო ნომინირებული. მსახიობმა ისეთ ცნობილი ფილმებში ითამაშა, როგორებიცაა Mystic River, Sleepers, Apollo 13 და სხვა.

///

7. რიჩარდ გირი

Pretty Woman-ის ვარსკვლავი და ჰაჩიკოს მეგობარი ოსკარზე არასდროს წარუდგენიათ. ამის მიუხედავად, რიჩარდი გირი დღემდე ბევრისთვის საყვარელი მსახიობია, რომელმაც მონაწილეობა მიიღო Unfaithful-ში, Runaway Bride-ში, Autumn in New York-სა და სხვა ცნობილ ფილმებში.

8. ქრისტინა რიჩი

კრისტინა რიჩიმ, რომელმაც კარიერა უენსდეი ადამსის განსახიერებით დაიწყო, ისეთ ფილმებშიც მიიღო მონაწილეობა, როგორებიცაა Monster, Sleepy Hollow და The Ice Storm. შეგახსენებთ, რომ კრისტინა რიჩი ნეტფლიქსის სერიალ Wednesday-შიც გამოჩნდა, რომლის პრემიერაც 2022 წელს შედგა.

9. ადამ სენდლერი

მართალია, ადამ სენდლერი ოსკარზე არასდროს ყოფილა წარდგენილი, თუმცა მსახიობი ემიზე 5-ჯერ იყო ნომინირებული. მისი ფილმებიდან აღსანიშნავია 50 First Dates, Punch-Drunk Love, Grown Ups და სხვა.

///

10. დაბოლოს, მერილინ მონრო

მეოცე საუკუნის ერთ-ერთი ყველაზე ცნობილი მსახიობი, მოდელი და მომღერალი ოსკარის ნომინანტად არასდროს დაუსახელებიათ. მერილინ მონრომ მაყურებელს თავი ისეთი ფილმებით დაამახსოვრა, როგორებიცაა Gentlemen Prefer Blondes, How to Marry a Millionaire, Some Like It Hot და სხვა.