The Vampire Diaries-ის ვარსკვლავმა, ნინა დობრევმა, რამდენიმე საათის წინ ახალი ტიკტოკი გამოაქვეყნა, რომელშიც სერიალის სხვა მსახიობებსაც ვხედავთ. როგორც ჩანს, მისტიკ ფოლსში მალე ვამპირები და ჯადოქრები კვლავ დაბრუნდებიან, რადგან The Vampire Diaries-ის მსახიობები შეკრებას სწორედ იქ გეგმავენ.

ნინა დობრევის ტიკტოკში ასევე გამოჩნდა პოლ უესლი, რომელიც სერიალში სტეფან სალვატორს განასახიერებს და კეტ გრეჰემი, რომელიც ჯადოქარი ბონი ბენეტის როლს თამაშობდა. ვიდეოში ასევე ვხედავთ ქენდის კინგს, რომელმაც The Vampire Diaries-ში კეროლაინ ფორბსი განასახიერა და ტაილერის როლის შემსრულებელ მაიკლ ტრევინოს. ტიკტოკში ასევე ჩანს The Originals-ს მსახიობი კლერ ჰოლტი და კაილა ეველი, რომელმაც The Vampire Diaries-ში ვიკი დონოვანის როლის შეასრულა.

@nina 🤫😉 #findmyiphone ♬ Lovin On Me - Jack Harlow

როგორც ჩანს, ტიკტოკში მონაწილე ყველა მსახიობს ვიხილავთ ფესტივალზე, რომელიც ჯორჯიას შტატში, კოვინგტონში, 1-3 დეკემბერს ჩატარდება. ეს სწორედ ის ადგილია, სადაც წლების განმავლობაში The Vampire Diaries იღებდნენ.

მართალია, ნინა დობრევის ტიკტოკმა გამოქვეყნებიდან 3 საათში 1,5 მილიონამდე ნახვა დააგროვა, თუმცა ფანებმა პრეტენზია გამოთქვეს იმის შეახებ, რომ ვიდეოში იან სომერჰელდერი არ ჩანს. თავიდან ფესტივალში იან სომერჰელდერსაც უნდა მიეღო მონაწილეობა, რადგან სერიალის დასრულებიდან 6 წლის შემდეგ ყველა მსახიობის შეკრება იგეგმებოდა, თუმცა აგვისტოში ორგანიზატორებმა განაცხადეს, რომ იანი დამსწრეთა სიაში აღარ იყო.

ფოტო: CW

შეგახსენებთ, რომ ნინა დობრევი და იან სომერჰელდერი 2010-2013 წლებში ერთმანეთს ხვდებოდნენ. ნინასთან დაშორების შემდეგ იანმა მსახიობ ნიკი რიდზე იქორწინა. ნინა დობრევი კი შოუს 2015 წელს გამოეთიშა და 2017 წელს მხოლოდ ფინალურ ეპიზოდში გამოჩნდა. ასევე, 2015 წლის შემდეგ ეს პირველი შემთხვევაა, როცა ნინა დობრევი The Vampire Diaries-ის მსახიობებთან ერთად ფანებს შეხვდება.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…