ლვარსკვლავი ხოაკინ ფენიქსი ამჯერად რიდლი სკოტის ახალ ფილმში იმპერატორ ნაპოლეონ ბონაპარტის როლს მოირგებს, აქამდე მათ ერთად 2000 წელს გამოსულ ასევე ისტორიული ფილმ გლადიატორზე უმუშავიათ. Apple TV პლუსმა ნაპოლეონის პირველი ტრეილერი ცოტა ხნის წინ გაავრცელა.

აღსანიშნავია, რომ თავდაპირველად ფილმის სახელად ჯარისკაცის ზურგჩანთა (Kitbag) იყო ჩაფიქრებული, თუმცა შემდეგ შემქმნელებმა უფრო მარტივი ვარიანტი — ნაპოლეონი აირჩიეს. ფილმი როგორც ნაპოლეონის იმპერატორობამდე განვლილ რთულ გზასა და მის სამხედრო ცხოვრებაზე, ასევე, თავის ცოლთან, ჟოზეფინასთან კომპლექსურ ურთიერთობაზეც მოგვითხრობს.

ნაპოლეონის სცენარზე დევიდ სკარპამ იმუშავა, რომელიც წარსულში რიდლი სკოტის ფილმის სამყაროს მთელი სიმდიდრე (All the Money in the World) სცენარისტი იყო. ფილმში დედოფალი ჟოზეფინას როლს მსახიობი ვანესა კირბი შეასრულებს. ფილმი Apple TV+ -ზე იქნება ხელმისაწვდომი, მისი პრემიერა კი კინოთეატრებში 22 ნოემბერს შედგება.

გასათვალისწინებელია ის ფაქტიც, რომ ნაპოლეონის შესახებ მასშტაბური ფილმის გადაღება ლეგენდარულ რეჟისორ სტენლი კუბრიკსაც სურდა, თუმცა, სამწუხაროდ, ეს პროექტი ვერ განახორციელა. შესაბამისად, ორმაგად საინტერესოა, თუ როგორ შეასხამს ამ დამაინტრიგებელ იდეას რიდლი სკოტი ხოაკინ ფენიქსის დახმარებით.

ნახეთ ტრეილერი:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...