ჰოლივუდის ვარსკვლავი ანჯელინა ჯოლი, გაეროს ორგანიზებით, რამდენიმე დღის წინ ლონდონში სკოლის მოსწავლეებს შეხვდა.

შეხვედრას, რომელიც როიალ ალბერტ ჰილსში იმართებოდა, რამდენიმე ასეული მოსწავლე დაესწრო.

ბავშვების წინაშე ჯოლიმ ადამიანის უფლებებზე ისაუბრა და თქვა, რომ სკოლის მოსწავლეები ზუსტად ის თაობაა, რომელმაც სამყარო უკეთესობისკენ უნდა შეცვალოს.

"ძალიან მიხარია ახლა თქვენს წინაშე დგომა. გიყურებთ და თქვენში ჩემს შვილებს ვხედავ, რომლებსაც გამუდმებით ვუმეორებ, რომ ყველაფერი კარგად იქნება. თქვენც იგივეს გეტყვით, აუცილებლად უნდა იცოდეთ, რომ არასწორ მოსაზრებებთან ბრძოლას და შეწინააღმდეგებას ყოველთვის აქვს აზრი. თქვენ უნდა ისწავლოთ და როდესაც გაიზრდებით, ეს იქნება თქვენი მთავარი ინსტრუმენტი საკუთარი თავისა და სხვების დასაცავად. თქვენ ხართ ის თაობა, რომელიც ჩემი თაობის დაუმთავრებელ საქმეებს ბოლოში გაიყვანს და რომელიც ადამიანის უფლებებისთვის იბრძოლებს. ბავშვებო, მე თქვენ მჭირდებით, თქვენ ყველას სჭირდებით", - თქვა სიტყვით გამოსვლის დროს ანჯელინა ჯოლიმ.