ცნობილი რეჟისორი კრისტოფერ ნოლანი კინოსამყაროს ახალი და შთამბეჭდავი ნამუშევრით უბრუნდება. თრილერის ჟანრის ფილმს, სახელად Oppenheimer რეჟისორის გულშემატკივრები და არა მხოლოდ ისინი, უკვე დიდი ხანია, ელოდებიან.

ეს ლოდინი, როგორც ვიცით, ზაფხულში დამთავრდება — მანამდე კი გვაქვს შესაძლებლობა, ფილმის კიდევ ერთ ტრეილერს შევავლოთ თვალი.

ოპენჰაიმერი, რომელიც რეჟისორისთვის მე-12 ფილმი და პირველი ბიოგრაფიული ნამუშევარია, პულიცერის პრემიის მფლობელ წიგნს ეფუძნება. კაი ბერდისა და მარტინ ჯ. შერვინის წიგნი American Prometheus: The Triumph and Tragedy of J. Robert Oppenheimer ატომური ბომბის შემქმნელი ჯ. რობერტ ოპენჰაიმერის ცხოვრებაზე გვიყვება.

"შენ ხარ კაცი, რომელმაც მათ საკუთარი თავის განადგურების ძალა მიანიჭე", — ეუბნებიან ოპენჰაიმერს ფილმის ტრეილერში, — "სამყარო ამისთვის მზად არაა".

ნოლანის ფილმში ჰოლივუდის არაერთი ვარსკვლავი მონაწილეობს. კინოსურათში ვიხილავთ კილიან მერფის, მეთ დეიმონს, ემილი ბლანტს, რობერტ დაუნი უმცროსს, რამი მალეკსა და სხვებს.

ოპენჰაიმერის პრემიერა 21 ივლისს შედგება.

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...