ქართულმა ინდი-როკ ჯგუფმა Bedford Falls საერთაშორისო სცენის დასაპყრობად აიღო გეზი. ბენდი მაისის თვეში ევროპულ ტურნეს იწყებს, რომელშიც მონაწილეობას სხვა ქართველი შემსრულებლებიც მიიღებენ.

საკონცერტო ტურის ორგანიზატორის, სააგენტო Straus Entertainment-ის ცნობით, ქართული ჯგუფის კონცერტები ხუთ ევროპულ ქალაქში გაიმართება. ტურნე სტარტს 14 მაისს, ბერლინში აიღებს და 23 მაისს, ტალინში დასრულდება. კონცერტები გაიმართება ასევე ჰამბურგში, რიგასა და ვილნიუსში. გარდა ამისა, Bedford Falls-თან ერთად, ევროპულ სცენებს სპეციალური სტუმრის სტატუსით დაიკავებენ Tamada და Creams.

ფოტო: Straus Entertainment

კონცერტებზე დასასწრებად ბილეთების შეძენა შესაძლებელია მასპინძელი საკონცერტო დარბაზების ვებსაიტებსა და სოციალური მედიის გვერდებზე. ასევე tkt.ge-ზე.

ჯგუფი Bedford Falls 2014 წელს ჩამოყალიბდა. მათმა სადებიუტო ალბომმა This Is Your House დღის სინათლე 2019 წელს იხილა, გასულ წელს კი ბენდმა რჩეულ კომპოზიციებს კიდევ ერთ ალბომში მოუყარა თავი. სხვადასხვა წელს ჯგუფი Tbilisi Open Air-ის სცენაზეც გამოჩნდა. მათ ასევე ვიხილავთ წლევანდელ ფესტივალზე.

ასევე იხილეთ: