მიშელ კოლინზის თქმით, რომლის სახლის ნაწილიც ციყვებმა დაიკავეს, ბოლო სამი წელია, სამზარეულოში შესვლის ეშინია. როგორც ქალი ჰყვება, მან შესაბამის სამსახურებს მიმართა, თუმცა ციყვები მხოლოდ ღამით მოდიან და მათ დაჭერას ვერავინ ახერხებს.

"ყველაფერი ვცადე, თუმცა უშედეგოდ. ციყვები მატერორებენ", — ამბობს სახლის მეპატრონე. ციყვებმა სამზარეულოს კარი და კალათები დაღრღნეს, შემდეგ კი არც ძაღლის საჭმელზე უთქვამთ უარი. მიშელმა ისიც აღნიშნა, რომ ყოველ დილით სამზარეულოში შესვლა ძალიან ეშინია.

ფოტო: BBC

მიშელმა BBC-თან ინტერვიუში განაცხადა, რომ ეს პრობლემა მაშინ აღმოაჩინა, როცა ერთ ღამეს კედლებში ხმაური გაიგონა. როგორც აღმოჩნდა, ციყვები აივნის ქვეშ სოროს თხრიდნენ, რათა კედლებში გაძრომა და სამზარეულომდე მიღწევა შესძლებოდათ. გარდა ამისა, მიშელის სახლის ახლოს ტყეა, სადაც ციყვები ბინადრობენ, ღამით კი ქალის სახლს სტუმრობენ.

ცხოველთა დამცველებს არ აქვთ უფლება, რომ ამ ტერიტორიაზე მცხოვრებ ნაცრისფერ ციყვებს მახე დაუგონ. თუ ციყვები სახლში შეიჭრებიან, მათი დაჭერის უფლება აქვთ. თუმცა ამ ეტაპზე მიშელის სახლში მცხოვრები ნაცრისფერი ციყვები კვლავ თავისუფლად დასეირნობენ.