როგორც იცით, სპილოები სოციალური, ემოციური და იუმორის მქონდე ცხოველები არიან.

მაგრამ იმის ხილვა თუ როგორ ეხმარებიან ეს ცხოველები ერთმანეთს, მაინც გაგაოცებთ.

შემთხვევა ერთ-ერთ კორეულ ზოოპარკში მოხდა. როგორც ვიდეოში ჩანს, დედა-შვილი აუზთან დგას, რა დროსაც პატარა სპლიყვი წყალში ფეხისა და ხორთუმის ჩაყოფას ცდილობს და შიგნით ვარდება.

დააკვირდით, როგორი სწრაფი რეაქცია აქვს მოშორებით მდგარ მეორე სპილოს, რომელიც, სავარაუდოდ, წყალში ჩავარდნის ხმის გაგების შემდეგ ტრიალდება და თავის მეგობართან მირბის, რათა შვილის გადარჩენაში დაეხმაროს.

ასევე საინტერესოა, უფრო შორს, ჯებირთან მდგარი სპილოს რეაქცია, რომელიც აუზისკენ ვერ მოდის, რადგან გზა ჩახერგილი აქვს, მაგრამ თავის მეზობლებთან ერთად ნერვიულობს და აქეთ-იქით დარბის.

უცნობია, ეს სპილოები ნათესავები არიან თუ უბრალოდ მეზობლები, მაგრამ აშკარაა, რომ შეუძლიათ ერთმანეთს ენდონ და გვერდში დაუდგნენ.