ჯოკერის შესახებ გადაღებულ ახალ ფილმში Joker: Folie à Deux ჰარლი ქვინის როლს სავარაუდოდ ლედი გაგა შეასრულებს. ფილმის ნახვა, რომელიც 2019 წლის ოსკაროსანი ჰიტის, Joker-ის, გაგრძელებაა, მაყურებელს 2024 წელს შეეძლება. გადასაღები მოედნიდან კი ახლახან გაგას ფოტოები გავრცელდა, რომელსაც სწორედ ჰარლი ქვინის კოსტიუმი აქვს მორგებული.

ფოტო: GC IMAGES

ლედი გაგა ფილმთან პირველად 14 თებერვალს დააკავშირეს, როცა ფილმის რეჟისორმა, ტოდ ფილიპსმა, ინსტაგრამზე მისი და ხოაკინ ფენიქსის ფოტო გააზიარა წარწერით "გილოცავთ ვალენტინობას."

ფოტო: Todd Phillips / Instagram

ფილმის გულშემატკივრების სასიხარულოდ, ხოაკინ ფენიქსი, რომელმაც ჯოკერის ოსტატურად შესრულებული როლისთვის ოსკარის ჯილდოც მიიღო, ფილმის გაგრძელებაშიც ბრუნდება.

Joker-მა კომპანია Warner Bros.-ს $1 მილიარდი შემოსავალი მოუტანა. ასეთივე წარმატებას უწინასწარმეტყველებენ მეორე ფილმსაც, რომლის პრემიერა 2024 წლის 4 ოქტომბერსაა დაგეგმილი.

ფოტო: Warner Bros.