გამოძიება შინაგან საქმეთა სამინისტრომ სისხლის სამართლის კოდექსის 126-ე, ძალადობის მუხლით დაიწყო.

რატომ არის მნიშვნელოვანი: პრორუსულმა, ძალადობრივმა ჯგუფმა დღეს, 14 მარტს თბილისში მსვლელობა გამართა, რა დროსაც იურიდიული კომპანია BGI Legal-ის ოფისის მისამართით ქვა ისროლეს.

  • ვიდეოში, რომელიც კომპანიის თანამშრომელმა გადაიღო ჩანს, როგორ ესვრის პრორუსული აქციის მონაწილე ოფისს ქოთანს.
  • ჭავჭავაძის ცენტრის ხელმძღვანელი და იურიდიული კომპანია BGI Legal-ის თანადამფუძნებელი ზაზა ბიბილაშვილი On.ge-სთან ამბობს, რომ თავიდან დაიწყეს მცირე ნივთების სროლა აივნის მიმართულებით, შემდეგ კი ისროლეს ქოთანი და ქვა.

დეტალები: ზაზა ბიბილაშვილის თქმით, ქვა თავში ხვდებოდა თანამშრომელს, რომელმაც ხელი აიფარა და დაუშავდა.

  • მისი განცხადებით, თანამშრომელთა ნაწილი გამოკითხვაზე გადაიყვანეს, თუმცა აღნიშნავს, რომ სამართალდამცავთა მიზანია, ყველაფერი დამბრალდეს მსხვერპლს.
  • "სამჯერ დაისვა კითხვა რატომ გესროლეს, თითქოს პროვოკაციას ხომ არ წამოაგეთ, თქვენი ბარალი ხომ არ იყო, თქვენ ხომ არ გამოიწვიეთ";
  • "აქეთა მხრიდან არანაირი პროვოკაცია არ ყოფილა, თავის საქმეზე იყვნენ, თავის ოფისში";
  • "მათი მიზანია მაქსიმალური დისკომფორტი შეუქმნან მსხვერპლს, რომ მათ გადაიფიქრონ და თქვან, რომ არ გვაქვს პრეტენზია", — ამბობს ის.

გარდა ამისა, დღეს პარლამენტთან ზურაბ მახარაძემ და სხვა პრორუსმა მოძალადეებმა ევროკავშირის დროშა ჩამოხსნეს, დაგლიჯეს და დაწვეს.

  • მომხდარზე შსს-მ ადმინისტრაციული წარმოება დაიწყო.