ბრიტანელმა მსახიობმა ქეით უინსლეტმა ინგლისელ გოგოს, რომელიც ამჟამად გერმანიაში ცხოვრობს და კიბოს ებრძვის, წერილი გაუგზავნა.

გემა ნუტალი, 16 კვირის ორსული იყო როდესაც ექიმებმა კიბოს დიაგნოზი დაუსვეს. ნუტალიმ კი გადაწყვიტა ქიმიოთერაპია არ გაეკეთებინა და თვისი ჯერ არ დაბადებული გოგო - პენელოპე დაეცვა.

გემას დედა ელენა დიდი ხნის განმავლობაში აგროვებდა £300 ათასს შვილის მკურნალობისთვის, თუმცა ვერ შეძლო. სწორედ ამ დროს გამოჩნდა მსახიობი ქეით უინსლეტი, რომელმაც ოჯახს ფინანსური მხარდაჭერა აღუთქვა და სრულ დახმარებას დაჰპირდა.

თანხის გადარიცხვის გარდა, უინსლეტმა საზოგადოებასაც მიმართა და სთხოვა გემას გვერდით დამდგარიყვნენ.

"ხომ იცით, ჩვენ, ადამიანები ერთმანეთის გვერდში დგომის გარეშე დავიღუპებით, სწორედ ამიტომ, მოგიწოდებთ არ დამტოვოთ მარტო და ერთად დავეხმაროთ გემას და მის საყვარელ დედას ელენას. ჩვენ ერთად უნდა გადავარჩინოთ 28 წლის დედა. ჩვენ ერთად უნდა შევქმნათ ჯერ არ დაბადებული პენელოპეს ახალი ცხოვრება", ამბობს უინსლეტი.