ამერიკის პირველი ლედი მელანია ტრამპი და მისი და პრეზიდენტის შვილი, 11 წლის ბარონ ტრამპი, საცხოვრებლად თეთრ სახლში გადავიდნენ. ინფორმაციას NBC ავრცელებს.

4 თვეზე მეტია, რაც დონალდ ტრამპი ვაშინგტონში, თეთრ სახლში, ცხოვრობს. ამ დროის განმავლობაში, მელანია, ბარონთან ერთად, ნიუ-იორკში, ტრამპ თაუერში ცხოვრობდა.

ბარონის სკოლაში აკადემიური სასწავლო წელი ცოტა ხნის წინ დასრულდა, სწორედ ამას უკავშირდება მისი და მელანიას ვაშინგტონში გადასვლა.

1963 წლის შემდეგ, ბარონ ტრამპი პირველი ბიჭია, რომელიც თეთრ სახლში ცხოვრობს. 54 წლის წინ, იქ ჯონ კენედის 3 წლის შვილი ცხოვრობდა.

ნიუ-იორკს ტრამპისა და მისი ოჯახის წევრების დაცვა დღეში $1 მლნ-ზე მეტი უჯდებოდა.