31 მაისიდან 4 ივნისის ჩათვლით, საქართველოს შოთა რუსთაველის თეატრისა და კინოს სახელმწიფო უნივერსიტეტის ორგანიზებით, თბილისის მეათე საერთაშორისო სტუდენტური კინოფესტივალი გაიმართა.

4 ივნისს დაჯილდოების საზეიმო ცერემონიაზე, თბილისის მერიის ბიგ ბენდის კონცერტის შემდეგ, ფესტივალის საერთაშორისო ჟიურის წევრებმა გამარჯვებულები გამოავლინეს:

  • საუკეთესო ანიმაციური ფილმი: მარწყვის დღეები / სლოვაკეთი
  • საუკეთესო დოკუმენტური ფილმი: ტაიმორის შოუ / ისრაელი
  • საუკეთესო მხატვრული მოკლემეტრაჟიანი ფილმი: ბიზნესი / არგენტინა
  • ჟიურის პრიზი: ფანჯარა / იტალია

ასევე გაიცა სპეციალური დიპლომები იმ სპეციალობების მიხედვით, რომლებიც მსოფლიო კინოსკოლებში ისწავლება:

  • რეჟისურა: სართული X / გერმანია;
  • ხმის რეჟისურა: მახლობლად / პოლონეთი
  • ოპერატორის ნამუშევარი: დანაშაულებრივი მიზანი / ჩინეთი
  • მონტაჟი: თავშეყრის შემდეგ / ფინეთი;
  • სცენარი: დონორი / საქართველო

სელექციის შედეგად ფესტივალის ოფიციალურ პროგრამაში ცხრამეტი ქვეყნის კინოსკოლის 38 ფილმი მოხვდა, რომელთა შორის საუკეთესოც ფესტივალის ჟიურის წევრებმა გამოავლინეს.