ამის შესახებ პრეზიდენტის ადმინისტრაციის მრჩეველმა, ალექსეი არესტოვიჩმა ისაუბრა.

რატომ არის მნიშვნელოვანი: რუსი პროპაგანდისტების ავრცელებდნენ ცნობებს, რომ ბახმუტის მიმართულებით რამდენიმე დასახლებული პუნქტზე კონტროლი დაამყარეს.

  • უკრაინა კონტრშეტევაზე 29 აგვისტოს გადავიდა და იმის შემდეგ ფრონტის ხაზზე წინ მიიწევს და ათავისუფლეს დასახლებებს.
  • ბრძოლები 2 მიმართულებით მიმდინარეობს: სამხრეთის და აღმოსავლეთის ფრონტებზე.

დეტალები: არესტოვიჩმა უარი თქვა დაკონკრეტებაზე, ფრონტის რომელ მონაკვეთზე განდევნეს რუსები უკან.

  • "სვატოვოეს მიდამოში გარკვეული წინსვლა იყო, რუსული შენაერთები ცდილობდნენ კონტრშეტევას — მიიღეს პასუხი, ვერსად წავიდნენ. ბახმუტთან ჩვენებმა კონტრშეტევა წამოიწყეს, უკან დახიეს. ჩვენმა კონტრშეტევა დაიწყეს და ერთ ადგილას გადააგდეს. ჯერ არ ვიტყვით კონკრეტულად სად, რადგან გენერალურ შტაბს ჯერ არ გამოუცხადებია", — თქვა არესტოვიჩმა.

ბოლო ცნობები: საჰაერო ძალებმა 30 წუთში ჩამოაგდეს რუსების 1 ვერტმფრენი და 6 "შაჰედი" ანუ ირანული დრონი.

  • აქედან ორი, შვეულმფრენი და დრონი ქვეყნის სამხრეთით საზენიტო-სარაკეტო დანაყოფებმა გაანადგურეს.
  • ხოლო 5 აღმოსავლეთის მიმართულებით საჰაერო სარდლობის ძალებმა.
  • 400-ით გაზრდილია მოკლული რუსების რიცხვიც და უკვე 64 700-ს მიაღწია.
  • ამას ემატება უკრაინული ძალების მიერ 3 ტანკის, 16 საარტილერიო სისტემის და 7 ერთეული საავტომობილო ტექნიკის განადგურება.
  • უკრაინის შეიარაღებულმა ძალებმა 4 სამეთაურო პუნქტს და მოწინააღმდეგის 15 საკონცენტრაციო ზონა დაარტყეს.
  • გარდა ამისა, გენერალური შტაბი ამბობს, რომ დაჭრილი რუსი ჯარისკაცების სიკვდილიანობა 50%-ს აჭარბებს.

რუსეთი მაინც აგრძელებს ქალაქებისა და დასახლებების დაბომბვას. დილით უკრაინის მთელ ტერიტორიაზე საჰარეო განგაში იყო გამოცხადებული.

  • მათ ნიკოპოლში 50-ზე მეტი ჭურვი ისროლეს, რის შედეგადაც ორი ადამიანი დაშავდა.
  • საჰაერო იერიში მიიტანეს კიევის ოლქზეც და დააზიანეს კრიტიკული ინფრასტრუქტურის ობიექტი.
  • და კიდევ ერთხელ კამიკაძე დრონებით დაბომბეს ზაპოროჟიე.